الإعلاميه ماريان ألفي والمهندس كيرلس صبري في برنامج ساعة صفا
بقلم: كتبت الإعلامية ماريان ألفي
النشرة الدولية –
بنتولد بنبكي ولما بنمشي من الحياه بيبكوا علينا ومابين مابنتولد لحد لما بنفارق الحياه رحله طويله اوووي بنعيشها وكل واحد فينا جوه الرحله دي شاف حاجات كتيييير اوووي علمتنا كتير ولسه بنتعلم عيشنا أيام حلوه فرحتنا وعيشنا أيام وجعتنا والمتنا وكسرتنا
وعيشنا أيام كنا مستنين حاجه معينه تحصل ومحصلتش
وحاجات حصلت مكناش عاوزينها تحصل
كل واحد فينا قابل ناس كتييييير في حياته الناس دي كانت أكيد سبب ف أنهم يعلمونا حاجات كتير في الحياة فيه اللي علمنا الحب وإزاي نحب الحياه والناس إللي حوالينا وفي إللي كرهنا في الحياه وخلانا نفقد الثقه في أي إنسان نعرفه .
وفي إللي منحنا أمل وتفاؤل في لحظه ضعف
وفي إللي خذلنا في وقت مكناش مستنيينه من الشخص ده بالذات في ناس ممكن تقابلها صدفه بيكونوا الايد إللي ربنا باعتهالك تطبطب عليك في وقت الوجع والاحتياج
وناس تقابلهم وتعاشرهم ومن كتر الاذيه اللي شفتها منهم بيخلوك تجمد قلبك وتقسي
بس في الرحله دي مهما عدت علينا ظروف كتيييير ومشاكل وفرح وحزن عمرنا ماهننسي ابدآ اللي وقفوا معانا وكانوا سند وضهر وأمان لينا
ومش هننسي اللي كانوا السبب في كل لحظه وجع عيشناها علشان علمونا حاجات كتييير حاجات كتير مكناش هنتعلمها لولا وجودهم في حياتنا .
بنشكرهم جدا علي الدروس اللي علموهالنا
لكن ما ننكرش الوجع والألم والصدمة لما حد يخذلنا
أسوء شعور ممكن تحسه لما تنخدع في حد غالي عليك
علشان للاسف أقرب ناس لينا هما السبب في الوجع اللي فينا
الخذلان من اصعب المواقف اللي الإنسان بيعيشها علشان بيكون أعطي الثقه الكامله لشخص وعرفوا حاجات كتير مش أي حد ممكن يعرفها كان بالنسباله الدنيا كلها لكن بعد كل هذا هنكمل حياتنا وحياتنا هتستمر ومش هتقف علي حد.