من كتابي (حكاية صلا) ” ترنيمة رقم ١٢ “

كاتيا إدوار سلامي

النشرة الدولية –

…. يا عدرا…..

عَالأرْض جَنِّة وْبِالسَّما

أكوانْ….

وْبَخّورْ وْعِطْرْ

مِنْ لَمْسِةْ إيدَيكي…

وْنورِكْ شَعْشَعْ  بْسَما

لِبْنانْ ….

تْشَفَّعي فينا يا عَدرا

بنَظْرَة مِنْ عَيْنَيْكي…..

صَلاتِكْ مَسْبَحِةْ طُهْرْ

وْإيمانْ…..

ومَحَبِّة لبنان نِدِرْ

مَكْتوبْ عْليكي….

وْيَسوعْ ل حامِلْ خَطايا

الإنْسان….

صَليبو حِني بْلَهفِة

يْبَوِّسْ جْرَيكي….

وِدْموعِكْ أَمَلْ

بْيِروي بِالفَرَحْ

عَطْشانْ….

وبِلَوِّنْ الدِني سْجودْ

عَ غُمْرْ خَدَّيْكِ..

بارْكي حَياتْنا يا إمّي

بْلَمْسِةْ حَنانْ…

وِتْقَبَّلي مِنّا صَلاتْنا

بْرِضا الله

عْلَيكي….