دخلك يا زهر الحقل يا وزّال* جوليات أنطونيوس

النشرة الدولية –

دخلك يا زهر الحقل يا وزّال

تغنّج وميل بلونك الأصفر

ودّي لحبيبي عطرك بمرسال

قلّو العتب عا غيابنا زهّر

خبّر حبيبي عنّك وعنّي

قدّيش صرنا بغيبتو أصحاب

اتنيناتنا بالشوك والعَنّي

كلما التقينا قلوبنا بتنصاب

وكيف اتفقنا بالألم ما نبوح

بس الألم طبعو شقي و ثرثار

بكرجة عطر سر الجرح بيفوح

وشغلة الريّح تشيّع الأخبار

متكول قلبي يا رفيقي عليك

روح قلّو هالحكي بتمّك

وأوعى عا غيرو يدبلو عينيك

وتوقع شي ورقة حب من كمّك

عم خبرك بالسر منّي لَيك

ما بريد غيري بالدني يشمّك

بدي حبيبي يحط ايدو عليك

وضمّك الي من بعد ما يضمّك.