مغامرة فريدة من نوعا
كارولين زغرب طايع
النشرة الدولية –
نزلنا انا وناجي عم نجيب خضرا
ناجي …مناخد بطيخة ؟
مناخد .
وبلشنا انا وابو الناج المهمة الصعبة
هوي يدق ع بطيخة
وانا دق ع بطيخة
لأ لأ لأ لأ … لأ لأ لأ لأ
إلى أن غمزتني بطيخة
دقيت عليها .
ردتلي الإيقاع بكل ثقة
وكأنّا شي آلة drums لشي فنان من يلي بيعجبو خاطركن
صرخت … ناجي!!! هيدي !
قصلنا اياها الخضرجي ع السكين
حمرا متل الدم .. روعة !!!
آه يا ام الكوك آه يا ملكة البطيخ
حملناها ورحنا ع البيت
قصيناها وسقعناها بالبراد
عصريات …قعدنا بالجنينة
جيبي هالبطيخ يا ام الكوك وعبي صحنين من يلي بحبن قلبكن
شكينا الشوكة لنستمتع بهالبطيخة الغير شكل
وإذ…. طعمتا توم …
