صباح النار يا بيروت* جوليات انطونيوس

النشرة الدولية –

قولو صباح النار يا بيروت

ال حرقا غميق ومبسما عتّم

لو في دفن للفرح لمّا يموت

كنا وجوه وماشية بمأتم

قولو صباح الموت للحكّام

هل غرّقونا بالفقر والضيق

اللي تغمّسو عا وراقُن الأختام

بحبر الكذب حتى الشعب ما يفيق

قولو صباح العدل للإنسان

اللي معوّد جواريرن يضبّو

حق الفقير ويطبشو الميزان

وإسم الزعيم الفاسد يخبّو

قولو صباح الظلم يا بيروت

بين الظلم والحلم في إلفة

لولا الظلم كان الحلم بيموت

وما في حلم ما في إلو كلفة

قولو صباح الحق يا بيروت

مهما عليها تسلبطو التجّار

وطمرو الحقيقة بمجزرة أضرار

وكسرو الوطن تا يصلبو الأحرار

ودقّو بِإِيدَينْ الأمل مسمار

تا نودّع اللي تصدّرو الأبصار

بنموت مع بيروت كمّ نهار

وشو بيطلعو من رحلة التابوت

شي شهقتين سكوت ..

… وبنكمّل المشوار .