موت بكرا* جوليات أنطونيوس
النشرة الدولية –
بكرا هالعمر معقول يخلص
بيزيد عمرك تالعمر ينقص
حب الدني بتعيشها راضي
اللحظةعلى احساسها احرص
لف الشمس عا مغزل الشمعة
غزّ العتم تا تكرج اللمعة
ولو صاح فيك الجرح لا تخجل
صوت الجرح بتسكتو الدمعة
بكرا العمر عن إسمك بيرحل
بيياخد عغفلة لذّة النطرة
لا تضيع بين الحلم و الذكرى
ما في حلم بالواقع بيقبل
مبارح مرق من لعنتو تحرر
كل ال مضى ما عاد يتكرّر
فتش عا حالك مطرحك فاضي
موت بكرا الموت بالماضي
……………..صعب يتبرر