تَ نغَيِّر الأجواء…..* الشاعره د. إنعام الأشقر

النشرة الدولية –

تَ نغَيِّر الأجواء….

الحُبّ: طُفل الحُرِيِّه!…..

عَ كِتف الغَيم عم بهتِف بِإسمَك

وعَ باب المَجد عِنوانَك كَتَبتو

وشَبيه الآلهَه كَوَّنت رَسمَك

نَصَبت الشَّرع ووجودَك عَبَدتو

وكأنَّك واقِف بحِلم التَّمَنِّي

عَ صَهوِة دَهر عم تِبني آمالو

ما عِدت سألت بَين الناس عنِّي

كأنّو الغَيب راصِدلي حَلالو ؟!

وجَفا المقصود عَتَّم عَ التَّساوي

وجيوش العاطفه تأهَّب حِماها

لاعِدت عرِفِت مين مِنَّا المُداوي

ولا خَيط الأرض وَصَّلني لْ سَماها!

يا رَيت الحِلم يسعِدني جَوابو

قَبل لِ فراق ما يوَعِّي المَلامِه

وطُفل حُرِيّتي ضاعو صحابو

كِبِر مَحروم تَ صَبَّح عِصامي

ما بَدّي مِنَّك الحَقّ وصَوابو

بِكَفّي بَسِمتَك تِسرُق كِياني!!

شو نَفع الحبّ لَو مَنّو حَرامي ؟!!