“قارئة الكَفّ”* يوسف المسن

النشرة الدولية –

قالت اعطيني كَفَّك …  ويا رَيْت

من قرايتي :  ولا حرف  بتقفّي

ولحظة  ما  كَفّي  اعطيتها  حسَّيت

إنو  ما عاد  عم حِسّ  بِ  كَفّي !!!

حَسَّيت  كَفّي  بجسم  تاني صار

من دون  وعي جنون الهوى  مالو

بإيدو  رمى  حالو  بِ قلب  النار

ما يلومني  هوّي  رمى حالو  .

… وهِيّي ما سكْتِتْ عم  تلتّ  كتير !

وصافن  أنا  فيها  من  القلّه

فكري  سرح  أبعد  من التبصير

ما قدرت  ركّز  شو عم  تقلّي ؟!

وحتى  بِ  جرح  الحب  تحرقني

قالت  إنت مغروم  يا مجنون

طَلِّع  بِ كَفَّك … مش مصدّقني !

هيك كَفّ المنغرم  بيكون …

ورحت  طَلِّع  والنظر  ولَّعت

من حرقتي  من  ثورة  همومي

ومن  كتر  ما بكَفّي  أنا طَلَّعت

شفت يللي بحبها   بالذات

بجروح كَفِّي نور  مرسومي  …