إم الكوك والداتسن
كارولين زعرب طايع
النشرة الدولية –
إم الكوك والداتسن
اول نهار رحت إتعلم سواقة أول سؤال خطر ع بالي “كيف بدي شفّط”
وكان الجواب…
هيدا السؤال مش وقتو هلأ
أمرنا ل الله أجّلنا السؤال
هلأ مش هون القصة
القصة إنّو بعد شهرين فكّرت حالي شومخر وبكل ثقة زقيت إختي فيفا وبنت الجيران ودوّرت هالسيارة ودعست بنزين
شو بدّا السواقة .. كلّو تمام
قررنا نروح ع البحر
وانطلقنا بهالداتسن ستانزا
ع الأوتوستراد وقفت BMW حدنا فيا تلات شباب
وصار يطلّع فينا و يعمل أُمباليه بالسياره
شومخر ل فيّي تحمّس
اتطلعت في ببراده وقلتلو… سبق ؟
قلّي سبق
قلتلو بس انتبه …
ما فيك ع صوت تقليعة الداتسن
ضحك وقام عوينات الشمس عن عيونو وعملي دووزيو
وقلّي قبلان
ع التلاته
ع التلاته
قومي يا إم اكوك عدّي ل التلاته و عملي أمباليه بالداتسن وخلي صوت الأشكمان المفخوت يوصل من جل الديب ع جونيه
قال عم يتحدانا قال!!!! باطِل