ضاعت الأحلام* حسين الزين
النشرة الدولية –
نحنا شعب كذّاب عاحالو
عاش العمر راكض ورا خيالو
بيحفر بإيدو جورة الأوهام
وبيحط فيها كل أمالو
نحنا اخترنا أقذر الحكّام
وكرسي الزعامة بجهلنا نالو
وحكَامنا صاروا مع الأيام
عاضعف عقل الناس يحتالو
نحنا جعلنا حالنا أغنام
اخترنا رعاة الشر ورجالو
مشينا بدرب الطائفي الهدّام
حتَى حصدنا الذل وغلالو
ولليطل صرنا نسخّر الاقلام
والدين حرّفناه بمجالو
بإسم المبادي ضاعت الأحلام
ياحيف نهج الحق نغتالو
ساد الفساد وحكمت الأقزام
انهار الوطن وتزعزوا جبالو
ثلاثين عام وكلنا نيّام
ضاع الوطن وتشتّتوا الامال
وللجهل صرنا خيرة عيالو