حرقة قلب ع بلد موجوع* ريما خالد حلواني
النشرة الدولية –
لبنان يا حسرة ضميرنا
يا دمعة عيونّا
يا شلّال بكي
عم تذرفه قلوبنا
لبنان يا فلذة اكبادنا
ضيعوك وضيعونا
عم نبكي ع بوابك
و ع امجادك
ع وطن عم يحلق ويطير
ويهاجر مثل العصافير
مثل الشعوب الرُّحل
مثل البكي بعيون
المسكين
مثل الوجع حاملو
مريض
مثل الحبيب لِحامل همومو
وضيع سنين عمرو
عم يشتكي
لبنان الطيبة
ويد الغدر
ماسكه فيك
انتفض يا بلدي وثور
و فجّر بركانك
ولّع الخيانة ومحيها
مثل الحكايات والاساطير
لبنان عم استحي من حالي عيش ع ارضك الغالي
وانكر معروفك
وجمال ايامك
واحساس الطفولة فيك
بلدي عم عزي حالي فيك
عم ابكي وضم ارضك لصدري وشم ريحة حبابي فيك
مثل يللي عم يودع هل حياة وتارك وليفو
وعارف مش لح يرجع
ع بلادو يشوفو
خلص العمر يا بلدي
بين انا بدي وانت بدك
وهو بدو
ويد الغدر
دخلت بينكم وفرقت
حبكم لهل الارض
يلي حبيتوها وحبتكم
هيدا درس إلكم يا اخوة؛
يلي بيغدر بعائلته
الكلاب الساعرة بتجرو
والكلاب جرتنا وبعدك بتقلي بدنا وبدكم
بدكم عصى تكسر جنابكم وضربة ع راسكم تشل عقولكم
وما بدي كفي وقول
الا انو الحياة ما بتليق بأمثالكم