أسبوعين مرقو* جوليات أنطونيوس

النشرة الدولية –

أسبوعين مرقو بمواجهة الخوف والحذر بسبب إصابة إبني بفيروس كورونا.

أصعب شي على أم إنّو تتعامل مع ابنها بحذر وتطلب منها تبقى بعيدة عنّو بالوقت اللي هو بأمسّ الحاجة لتكون حدّو، تلمس جبينو تسهر معو وتخفف عنّو، لحتّى ما بستفرد فيه الوجع.

والشعور بالوحدة والضعف.

وأبشع  شي شعورك بالذنب تجاه الناس اللي بتحبّن واللي حياتن معلقة فيك وخوفك من إنك بلا قصد تكون سببتلهم أذى، صدقوني شعور مميت، بيخلّي الوقت ياكلك، بتصير  متل المتهم لحد ما تظهر نتيجتك! ويرتاح ضميرك.

كتير اشيا اختبرتا بهالكم يوم مع إبني بالحجر بتمنى ما حدا يمر فيها. بشكر الاصدقاء القلال اللي  كانو دايما موجودين معنا.

بشكرك يا رب على نعمة شفاء ابني ولأنو متل دايما كنت معي بلا حذر.

الله يحمي الجميع ويبعد عنكم شر المرض.