(بيكفي بقى)* ايلي غانم
النشرة الدولية –
(بيكفي بقى)
حاجي بقى بيكفي
جوعتوا الشعب حرام
خلوه يتنفس نتفي
ووقفوا بقى هل الأجرام
يا تجار بهالبلد
ما بقى تغلوا الأسعار
خنقتوا الأم والولد
وكل العيلة كبار وصغار
يومية عم بتغلوا
والتسعيرة فلتاني
الدولار طاير من محلو
الله يرحم ليرتنا كأنها مش خلقاني
أحترامي للجميع
كل واحد فاتح ع حسابو
وفالت ع ذوقو بيبيع
وما حدا عم يراقبو
صارت العيل جوعاني
ومش قادرة هيك تكفي
وكل العالم تعباني
وما عم تعرف آخرتهاهي وين رح بتصفي
ما وقغت هون القصة
الغلا صاير ع كل شي
وبقلب كل بيت في غصة
صعبة والله هل العيشي
بيكفي بقى.
