عودة مسرح الشارع في الاردن… مرفق صور

النشرة الدولية –

ورجعنا “مسرح الشارع” في عرض مسرحي تابع لمشروع طبابة … العروض هاي بتخليني احس اني بعمل شي للمجتمع، بهذه الكلمات اعرب الفنان الأردني، أحمد سرور، عن سعادته الغامرة وهو يعلن عن عودة مسرح الشارع في الاردن، وكانت هذه المرة الانطلاقة من محافظة اربد، شمال المملكة الأردنية الهاشمية.

وأضاف سرور، بنزرع بذرة تغيير داخل الطفل من خلال المسرح التفاعلي … بنحكي عن قضايا كبيرة وبندخل بنقاش مع الاطفال لنوصل للحل .

وبندخل بنقاش بوعي مع الاطفال وبنحترم جمهورنا وبنعمل العرض كما يجب بكل طاقتنا .

بحس حالي بعمل شي مهم بحياتي لانه الفن هو اشتباك مع والبحث عن فضاءات جديدة نعرض فيها .

اليوم مع شركائنا في عرض اربد جمعية تحفيز للريادة والتطوير  عرضنا بالكراج برسالة واضحة بأنه لما بدنا نعمل مسرح بنعرض بأي وبكل مكان .

وتحفيز من اهم المؤسسات الي بتشتغل بمجال التنمية والتطوير .. وانا صراحة عندي انتماء كامل الهم … لاني مؤمن برسالتهم.

وبالأخر وهاي هيي روح مسرح الشارع … الاشتباك بالمحتوى والتطوير على الشكل … القدرة على خلق مساحات مسرحية جديدة .

انا اليوم حاسس اني انجرت … وقريبا رح تشوفوا جزء من العروض .

اليوم كان عرضنا الأول في اربد … شكرا جمعية تحفيز الي شاركونا العرض الاول وبكل امانة بدونكم ما عرضنا … شكرا .