جمعية خيريه تسعى لمساعدة من يحتاجها

النشرة الدولية –

بداية نحن جمعية خيريه نسعى لمساعدة من يحتاج للمساعده بقدر همتنا وهمتكم ومساعدة أصحاب الخير.

وفي ظل جائحة كورونا صارت الأوضاع صعبه للجميع.

عجبتني فكرة بوست بجروب اجنبي حبيت انقلها الكم.

الفكرة كالتالي:

كل شخص منا يكتب شو ممكن يقدم بشكل عام “ببلاش طبعا”

قبل ما نكتب التعليق خلينا نحسب الموضوع صح و نشوف وقتنا وامورنا كامله عشان ما حد يتراجع

ع الجروب الأجنبي انكتب مثلا

for free, I can Repair 5 glasses

استطيع اصلاح خمس نضارات مجانا “ببلاش”

بقدر اعطي دورة لياقه

بقدر  أعلم خياطه

بقدر اعلم تهديب شماغات

بقدر اعلم على برامج الوورد والاكسل

بقدر..  أي شي ممكن نحس انه بساعد

وممكن

بقدر اكسي طالب

بقدر أقدم قرطاسيه

بقدر أقدم وجبات للطلاب

وهكذا…

انا مثلا بقدر اعمل دورات صناعات غذائية ببلاش

الفكره هيك… نفيد بعض وكل واحد حسب قدرته مهما كانت صغيرة او كبيرة …

ربنا يجازي الجميع خير وفعلا اللي يقدر يساعد بأي شي حتى لو بسيطة ربنا يكرمه