العمر لحظة ويمكن ما في بكرا
بقلم: الإعلامية باتريسيا سماحة

النشرة الدولية –

منشان هيك تاكد انت وعم تعمر بيتك  تلاقي  قوضة ببيتك دافية ، تلاقي  زاوية بتشبهك وبتخصك  وبتحميك  من برد الدني و هموم العالم

العمر لحظة منشان هيك تاكد انت وعم  ما تختار شريك حياتك  انو وجودو معك ما رح يطفي بريق عيونك و انو رح تضحكو سوا ورح تبكو سوا ورح تنجحو سوا ورح تضلو تعجبو بعض لاخر العمر لان لحظة يلي  بيخلص الاعجاب بصير الزواج تصريف اعمال مش اكتر

العمر لحظة منشان هيك تاكد انت وعم تختار اختصاصك تكون عم تختار احلامك

ونجاحك ورؤيتك لحالك بكرا

العمر لحظة منشان هيك انت وعم تتكرم على  نجاحاتك  وقبل ما تصير  الانا اكبر منك  تذكر انو صلوات امك وعيون بيك هني يلي نحتو فيك هيدا النجاح

العمر لحظة وقبل  ما تختار تسوق اجدد واسرع سيارة  تذكر انو  الايد يلي بتمسكا وبتتمسك فيا بمشاويرك الطويلة هي اامن وانعمً واصدق من كل الحديد  يلي دافع حقو وشايف حالك فيه

العمر لحظة وقبل ما تغفا كل ليلة تذكر انو بعد في شي  ابعد بكتير من احساسك بهاللحظة و اتروك  لقلبك يتصرف وانت ارتاح

لعمر لحظات منعيشها  ويمكن يخلص العمر  وما نعيش منا ولا لحظة.