من ذكريات أبلا كارولين
النشرة الدولية –
كارولين طايع –
بعمر ال ٢٢ علّمت سنتين BT بمدرسة مهنية مادة المحاسبة ومادة التمويل
كان بالصف في ٥ بنات وشب
كانو البنات ب التعش وعمر الجهل ويحبو يخبروني خبارن
وكنا نتفق انو يجو قبل المدرسة بساعة تنقعد نغرغر قبل الحصة بما انو ساعتي أول ساعة
وغراميات وارشادات كوني ب ٢٢ بنظرن مخضرمة بالعلاقات الغرامية
الحلو انو الشب ولا مرة سمعت صوتو
ما كان يحكي أبدًا
كنت اسألو سؤال قصد ت إسمع صوتو
ومرقت الإيام
ونسيت حتى إنو علّمت
وإذ
مرة فايتة ع محل سبور بدي إشتري حذاء رياضي
بيصرخ صاحب المحل أهلا معلمتي
بتطلّع في ما بعرفو
بقلي انا غارو تلميذك
ولو
كان لازم تعرفيني من صوتي