كلام من القلب
بقلم: الإعلامية نانسي اللقيس

النشرة الدولية –

حياتي شوي غامضة ولكن طيبة قلبي واضحة وعفويتي وتلقائيتي أوضح وأوضح

بحب كل الناس ولكن اكيد مش كل الناس بتحبني ولا كل الناس بتتمنى تشوفني ناجحة

بعرف حجمي منبح وبعرف أنه عندي حضور ما حدا بيقدر يكسره أو يأثر عليه

صحيح تدللت كتير عند اهلي بس كمان فقدتهم ع بكير كتير

فقدتهم بالوقت يلي كنت بحاجة لدعم وتوعية ومساندة بعمر المراهقة

كنت واسي حالي باليتامى  يلي عايشين بالميتم وكنت روح زورهم واسال عنهم وعن أحوالهم ت اتعظ منهم ما رح اكتب تفاصيل بس وصلت لمطرح ما حدا ممكن يصدق أنه وصلتلو بمجهودي بدون اي غلط

حاربوني وحاولوا يهزموني ت ينفوني وما قدروا وما زالوا بيحاولوا

صار الي اسم بموسوعة ويكيبيديا صار اسمي ب مواقع فرنسية وأمريكية بدون جميل من حدا

الحمدلله أنه نفسيتي ما تغيرت بعدني نانسي اللي بتحب عمل الخير وبتركض للناس وبعمري ما طلبت لنفسي من حدا شي

ما عندي اصدقاء عندي معارف وبس

لأن ما بؤمن بالصداقات

كل بنت ساعدتها طلعت بتغار وبدها فرصة ت تلاقي مخرج تبعد عني

انا مش ملكة جمال إنما مرتبة بعرف البس وبعرف قيمة حالي وعندي ثقة بنفسي

كل يلي ذكرته حبيت اذكره لأن اوقات بيحس حاله الإنسان لازم يفكر بصوت عالي ويصرخ ويقول أنا هيك