هالعيد عم بتخونني الكلمات

النشرة الدولية –

الشاعرة جوليات أنطونيوس

هالعيد عم بتخونني الكلمات
مشغول بالي مربّطة ديّي
من أربعين نهار بيّي مات
فارق الدنيي قبال عينيّي
غيابِك كسرني والحزن نحّات
بصدرو حفر أنهار حنّيّة
تعوّدت إشتقلك معو وأوقات
إتخيّلك بالبيت ملهيّة
ومن صورتك إتنشّق الضحكات
من ريحة تيابك المطويّة
وفل بيّي .. يبست الغمرات
كبرت يا إمّي كتير الخسارات
مات بي وإم مع بيّي .
إمّي الحبيبة ببوّس الدمعات
وببعت سلامي مع ندي الغيمات
بيّي معك مش عايزة هديّة
ودّي سلامي وبَوْسي بيّي .