لابقلَك الكحلي والأبيض كتير

النشرة الدولية – الشاعرة هالة نهرا –

لابقلَك الكحلي والأبيض كتير؛ قلت الكاريزما ملبَّس قضامة.. وعيونك تين غافي ببحر اللوز اشتلق واندلق.

ابريق الضوّ مبحوح والبحّة تزيدو غوى؛ متل قصيدة بصَدَف الشطّ والصدى مرسَى الخوابي.

هالعباية تلج نلوِّن قبّتها بفراشات الغيم المسحور.

والعنّاب يتحرقص بلغز السِّحِر سرحَبْ عَ روس صَبيع الضحكة.. إندرلَك شِعر عَ كواع الحنين ويكعى النرجس بعبّ البرق..

لابقلَك الكحلي والأبيض كتير.

* القصيدة للشاعرة هالة نهرا وجميع الحقوق محفوظة.