بآب اللهّاب لوِّن السهر بدهب دمع العنب ولا تهاب

القصيدة للشاعرة هالة نهرا *جميع الحقوق محفوظة*

النشرة الدولية –

بآب اللهّاب لوِّن السهر بدهب دمع العنب ولا تهاب.. والقمر منجل يحصد قمح الغوى من عيون تلوِّن للحلى انْخاب.. ونسمةْ روح تهبّ موج فوق ريف النغم بحِدا القْباب.. مش كل مين صفّ الصواني صار حلواني قال جدّ جدّي.. ولا كل مين ضحك شعَّل لون الزهر بقلوب تشتّي وتنشف الْوُتار بْلا نار.. برد الصيف بقلبك متل حدّ السيف.. والفرَس ما إلها مربط بتْراتيل العنب.. والقالب من بَرّا رخام ومن جُوّا كْوام اقلام تْحَنِّي شَعر السَّفَر وتكتب شِعر يندّي ضَهر الحجر.. هيدا القمر دعبَل صوت البنفسج وغار الكوز.. مجنون يحكي وعاقل يسمع… يا حُبّ بحرك خبَبْ والمشمش شْموس تْلالي وتنسَكَب بفجر العرب..