طفي النور
النشرة الدولية –
الإعلامية عبير العربي
طفي النور
والزم سريرك في هدوء
هات طفاية سجايرك وقهوتك السادة
واحضن الوسادة
نام بزيادة
ومافيش مانع من نزول دمعتين
طبطب ع الأنين
واحضنه بين ضلوعك
واوعى صرخة شوق تخونك
ومتقولش إزاي وفين
متسألش….تبدأ إزاي الطريق
عارفاها لحظة الضيق
وعارفه لو كنت تستحق
كان قابلك ألف مخرج
بس أنت مهرج
افترضت إنك طاير فوق محلق
وأنك ممسوك بحبل
مربوط بعمرها إللي حبك
ومش ممكن ينحل
واهو اتحل
لغز غادرك
ومابقاش باقي منك
غير دخان سجايرك ووحدتك
وحلفتلك
ودلوقت بس صدقت
عظيم ده الوقت
إللي سرق حلمك
إللي هو من الأساس مزيف
ومخوف
قلب كان كل خوفه إنك تطلع مش جد.
اتهد
واطفي النور
يمكن يطلعلك صبح
يمكن عن زيفك تترد.