بيكفي* جوليات أنطونيوس

النشرة الدولية –

بيكفي  يا أهل الحكم والحكام

بكل القضايا والخفايا تتاجرو

عالعلم عالخبز .. عالأحلام

كنتو يا ريت اليوم عم تتاحرو

شبعنا مراسم سمسرة وأعراف

وناس بمصايب ناس عم  بيآجرو

الله ما قال الطفل ياكل حاف

مي البحر والملح موت محاصرو

الله ما قال البحر يللي شاف

بعيون  بيّو بحر تاني جاقرو

حن وبشرشف موج شدّو لحاف

رد  الصبي ال عالشط بيّو ناطرو

وإنتو يا زمرة  … ما لكن أوصاف

ما هزكن لا مرفأ ولا  بواخرو

ولا بالكن إلا  بجني الأضعاف

وجمع الكراسي من البحص وطْناجرو

فتَحتو طريق جهنّم لآلاف

عليكم على جهنّم تمنّو يهاجرو

ما ضل في عنّا أمل نوقاف

هدمتو  الوطن  من أوّلو لا آخرو

(لك) حلّو بقى من شو بعد  بنخاف

وما ضل موت وشعبنا مش خابرو

حاجي تطمّو وتبحشو بأطياف

إنتو القبر الكبير  والّلي  حافرو