ليلة حزينة* ميشال دمعة
النشرة الدولية –
بليلة حزينة م قدرت إنّي اوصفا
شحشح سراج العمر فيّي وانطفى
صار الوجع كاسات عم تنده إلي
تا إحضنا بشفاف روحي وإرشفا
وصارت برودة للجسم متسلّلة/ي/
وشريان قلبي يرتحل منّو الدفا
ضاع الهنا والآخ صارت تعتلي
دقّات قلبي وينسرق منّي الصفا
يادمعة ال بالعين دخلك إنزلي
لَ عْرفت راحة بال ولا جفني غفا
يارب دخلك هالألم لو ينجلي
وتبقى عيوني بالأمل متكحّلي
ويرجع فرح جوّا القلب منّو اختفا
