بطّلت إحلم* جوليات أنطونيوس

النشرة الدولية –

بطّلت إحلم ..

كل شي بنيتو بالحلم

كلّو نهدم ..

والقلب جوّاتو شفق  مكسور

والليل  يابس  فوق نظرات العدم

وبضحك ..

متل قالو “صباح النور”

بضحك ..

تخبّي بالضحك إشيا أهمّ

وغصب عنّي بينزلو دموعي

وبضطر إهرب

ولوين بهرب ..

مش مُهم

ما زال جرحي ساكن  ضلوعي

وتا عيش ..

لازم إخسر  بعزّة  نفس

وإشرب همومي كاس متل السم

ما زال إحساسي فهم حالو خلص

بطّلت إحلم وانتهت هاك القصص

ما العمر بقياس الوجع وال “كم ” ..

بيزيد عا  عمر البشر ذكرى الألم

من ناس راحو  وبالأصل كانو  .. حلم .

والحلم ياما .. لمّ