تصرفي اللاواعي خلاني قول اديش في افكار نزرعت براسنا بالطفولة وصارت جزء من حياتنا بلا ماننتبه* د. زينب عاصي
النشرة الدولية –
قاعدة بأمان الله فجأة قمت عملت تصرف لاشعوريا ورجعت لمكاني
الي لفتني بالتصرف انو عملتو بدون وعي !
تحركت تلقائيا لانو (الشحاطة مقلوبة) قلبتا ورجعت عمكاني
تصرفي اللاواعي خلاني قول اديش في افكار نزرعت براسنا بالطفولة وصارت جزء من حياتنا بلا ماننتبه.
اديش تبنينا افكار وكملنا فيهن وورثناهن لولادنا بدون مانفكر بصحتها او لا
شيل الخبزة وبوسا لانو لحسا الشيطان!
شيطان مين والناس نايمين ..هي تجرثمت واذا بستا مابكون عقمتا بكون اخدت جراثيمها لجسمي
انا لهلا مابعرف ليش بنقلب الشحاطة!
وليش هالعرف سائد!
لليوم في ناس بتسكب رصاص لتخلص من العين وبتعتبر انو الفرقعة يعني طقت العين مع انو الفرقعة سببها التفاعل الكيميائي وماخص العين وبس تفقع بنرتاح لانو عقلنا ارتاح.
مو لانو راح الحسد (والي متعمق بدماغ الانسان بيعرف قصدي).
ماحدا فينا سالم من المسلمات المتناقلة عبر الاجيال بس بدرجة متفاوتة
في ناس حتشوف المنشور سخيف وفي ناس حتشوف (الشحاطة المقلوبة) فكرة من الاف بنطبقها بلا تفكير.