شكراُ ريان على تسطير المشاعر بكلام على ورق

عبير المصري

النشرة الدولية –

شكراً ريان،

شكراُ على تسطير المشاعر بكلام على ورق،

يمكن الكتابة هي مش إحياء جروح القلب

وإنّما هي استئصالهم…

لوضعهم بكتاب مسكّر بغلاف

بركي مع الأيام مننسى

وبيدور هالكتاب بين العالم

من ايد لإيد، ومن بلد لبلد

تا يضيع عن منشأه الأصلي:

قلبك الصغير…

لي تذوّق الحبّ وأبعاده

ما في أحلى من رقّة المشاعر

ممزوجة بالفرح كانت أو حتّى بالألم،

نعمة الإحساس …هيك إسمها

سنقرأ كتابك الحلو بتمعُّن

سنقرأ بين السطور

ويا ريت لو نستشعر بكل الأحاسيس لي شاركتينا فيها.

إنت أحلى شاعرة.

عليكم جميعاً الإبحار مع ريان وقراءة كتابها “حبّ ولكن”