دق المي وهي مي

النشرة الدولية –

ندين صموئيل شلهوب

انتست أسماء كتار كتاااااار وقعوا ضحية تفلّت الرصاص الطائش

وصارت أسماء بطيّ النسيان

وكل ما يكون في ضحية جديدة، او نجّي من انو يكون ضحية

منصلّي

عظيم الصلاة مطلوبة

بس المطلوب اكثر المطالبة بغضب لمحاسبة ومساءلة كل حدا حيوان بيحمل سلاح وبقوّص. انو

قوّص لأن نجح ابنو، شو هالمعجزة، والامر المستحيل يصير… وصار.

كيف بيقدر يكمّل مجد فرحو وعارف انو حدا دفع حياتو تمن قلة ضميرو واجرامو.

صلاواتنا كتيرة بزمن الشر المستشري، بعصر تنين فاتح جوانحو على مصراعيه ونازل فينا فتك

شو بدو يلحق “الله” علينا وعلى شعب ما بيفهم.  على الرغم من كل شي صار وعم بصير فيه

قبل نايا وبعد نايا

يا عمي

لك كفى استحوا فهموا حسّوا…. عبث

دق الميّ ميّ.

الشفاء العاجل لهالبنوت البريئة يلي ما ذنبها بشي الا انها خلقت بغابة بسّموها وطن.