هل يعقل هذا الكلام في الإعلام المصري؟
بقلم: محاسن السنوسي
النشرة الدولية
لو جوزك سباك دي حاجه حلوه ولازم تفرحي ولما تأكلي الفرخه سيبي لجوزك اللحم وكلي انت الجلده عشان يحس بقيمة شغله في السباكه
هل يعقل هذا الكلام في الإعلام المصري؟؟!!
بفرض أن الست ياسمين عز عايزه تحقق نظرية إلهاء الناس يبقي تقدمي مضمون محترم يليق بالجمهور المحترم
جبتلنا الكلام باستظرافك وقلة وعيك بالرسالة الإعلامية وضحكتي الناس علينا بتفاهة ماتقدميه
انت زودتيها أوي بمحتوي فارغ من اي معلومة برنامجك لايليق بنا أن تطل علينا مذيعة لاتمتلك الوعي الكافي بحضرة المشاهد المصري زي ياسمين عز
عيب عليكي وعلي اللي مشغلينك تطلع واحده زيك تقول كلام تافه .. ولو انت مش عارفه يعني ايه اعلام محترم ياريت تتعلمي الاول قواعد المهنة
واوعي تفتكري انك بتقدمي حاجه مفيده بالعكس انت بتساعدي في تخلف المجتمع ..بقدر قدراتك العقلية
جبتلنا الكلام
الإعلام اللبناني بيطالب الإعلام المصري بضبط المعايير الإعلامية بسبب ماتقدميه من محتوي تافه وفارغ من المضمون .. ولو عندك دم تشعري بالخجل من تفاهة محتوي برنامجك
وانا مستعدة لمواجهتك وأعلمك يعني ايه إعلام ويعني ايه مضمون اعلامي ومحتوي يليق بالمصريين
وياريت تتحلي بالمسئولية الإعلامية
فضحتينا علي المستوي الدولي
عايزه الفت نظر حضراتكم لحاجه مهمه ياسمين عز كانت ممثلة درجة تالته وإذ فجأة اخترقت عالم المذيعات السؤال .. ايه علاقتها بالاعلام؟؟؛؛!