كل حبّة تراب مجبولة بدم شهداءنا بتساوي + قيامة* جوليات انطونيوس
النشرة الدولية –
أعراس يا بيروت عاحِلّا
ويزلغطو عا ولادن الإمّات
للأم يا لبنان شو بقِلّا
وإبنا بعرسو عم تشوفو مات
البنت الشجاعة الْ كلّها همّة
الحلوة اللي شفتو بالدفن عِرسا
ال فستانها بغدر الدني مدمّي
في إم فيها هالظلم تنسى؟
شو بقول للطفلة اللي متل البرق
في حرق أكبر من وجع إمّا ؟
يمكن طبيعة يصير فيها خرق
لكن تموت يْقلب حضنا حرق
يا ويل ويلو اللي حمل دمّا
والبي هل ناطر ولادو وكان
جايي عبالو يكبرو ويِعسو
ويفرح فيون ويشوفهن عرسان
ولادو شو صعبة يرقصو بعرسو
شو بقول للإنسان عن لبنان
وصار الحجر والدم متساوي
كل الوطن تحت الردم علقان
ما في حدا قادر حدا يداوي
وأعراس يا بيروت وين ما كان
دمّك صرخ هز الدني كلّا
متل الّلي جايي عالدني الله
هيدي القيامة التانية بلبنان .
#لأرواح_شهداء_الوطن
