هذي السنة كانت عظيمة على المستوى العملي
الفنان الأردني أحمد سرور –
النشرة الدولية –
برنامج #مطب_اذاعي ضل مكمل للسنة السادسة والجاية رح تكون السابعة وانشالله تكون سنة خير ..في #راديو_هلا تعلمت فيه كثير .. وبحب هاي المؤسسة من قلبي .
عملت عروض مسرح تفاعلي للأطفال ضمن مشروع #طبابة وكانت فكرتنا ننقل الحوار والنقاش ونعطي المايك للأطفال … هذا اكثر مشروع فخور فيه هاي السنة .
كنت شخصية سعيد في #بنات_عبدالرحمن .. والحمدلله الفلم كثير مهم وكثير نال استحسان الناس .. من اخراج #زيد_ابوحمدان
كنت شخصية رئيسية في برنامج طبابة مع ابو شريك #ابوكوش … اخراج #احمد_سمارة برنامج الحمدلله كان ناجح ومجنون وحلوووو .
عملت شخصية بتمنى تكون حلوة في الفلم القصير #كروكا مع المخرج #سامر_بطيخي الي بشكل شخصي استمتعت جدا بالتحربة لانه فيها شي حقيقي وصادق وبيلمس مشاكلنا كفنانين .
واستمتعت جدا بالتمثيل مع #زوربا في #ياسمين_وصبري الي اخرجه #رأفت_طباخي.. ضحكنا كثير بالتصوير .
حاليا انا في #السعودية اعمل acting_coach# في فلم رح يكون مهم جدا … ورح احكي التفاصيل بس يصير مسموح .
وكنت acting_coach# في #مدرسة_الروابي_للبنات … مسلسل مهم جدا وشرف كبير اني كنت جزء منه … للمخرجة #تيما_الشوملي .
و كنت acting_coach# مع #نادي_عمان_للكوميديا .. وقدرنا نعمل عروض رائعين .
وكنت acting_coach# في برنامج اطفال صغير اسمه #شرطة_الاطفال مع #all4jor
وكنت acting_coach# و مخرج لمسرحية #مطار_فيزا_ستان مع مؤسسة #سيناريو وعملنا عرض حلوو مع شباب مبدعين من اربد .
وشاركت في مشروع مهم اسمه #برنامج_الزائر_الدولي الي كان فرصة تعليمية مهمة جدا … مع #السفارة_الأمريكية بالاردن جد حسيت بالتطور كمهارة وتفكير .
وراجع عمان اول شي بدي اعمله ابلش مسرحيتي الجديدة الي الحمدلله النص جاهز ضل بس نبلش بروفات .. هذا اول مشروع السنة الجديدة